فەتحوڵلا گولەن کۆچی دوایی کرد

فەتحوڵڵا گولەن، ڕێبەری بزووتنەوەی گولەن، لە تەمەنی 83 ساڵیدا لە ئەمەریکا کۆچی دوایی کرد.

سایتی هێرکوڵ، کە لە فەتحوڵا گولەنەوە نزیکە ڕایگەیاندووە "گولەن، کە هەموو ساتەکانی ژیانی بۆ خزمەتکردنی ئایینی پیرۆزی ئیسلام و مرۆڤایەتی تەرخان کردبوو، ئەمڕۆ یەکشەممە، 21-10-2024، کۆچی دوایی کرد."

باس لەوەش کراوە "گولەن لەو نەخۆشخانەی  لە ئەمەریکا، لێی خەوێنرابوو، گیانی سپاردووە."  

هەروەها ئەبوسەلەم گولەن برازای فەتحوڵڵا گولەن، لە هەژماری تایبەتی خۆی لە تۆڕە کۆمەڵایەتییەکان هەواڵی کۆچی دوایی گولەنی ڕاگەیاندووە.

حکوومەتی تورکیا، فەتحوڵڵا گولەن بە پلاندانەری هەوڵی کودەتاکەی 2016 تۆمەتبار دەکات.