دادوەر عامر موسا ئەلحوسەینی پیرۆزبایی سەرکەوتنی هەڵبژاردن لە خەڵکی کوردستان دەکات
دادوەر عامر موسا ئەلحوسەینی، سەرۆکی فەرمانگەی هەڵبژاردن و سەرۆکی لیژنەی ناوەندی فەرمانگەی هەڵبژاردنەکانی هەرێمی کوردستان، پیرۆزبایی لە خەڵکی کوردستان دەکات بەبۆنەی تەواوبوون و سەرکەوتنی پرۆسەی هەڵبژاردن بۆ دیاریکردنی نوێنەرانیان لە پەرلەمانی کوردستان.
دووشەممە 21ـی تشرینی یەکەمی 2024، دادوەر عامر موسا ئەلحوسەینی، سەرۆکی فەرمانگەی هەڵبژاردن و سەرۆکی لیژنەی ناوەندی فەرمانگەی هەڵبژاردنەکانی هەرێمی کوردستان، پیرۆزبایی لە خەڵکی کوردستان دەکات بەبۆنەی تەواوبوون و سەرکەوتنی پرۆسەی هەڵبژاردن بۆ دیاریکردنی نوێنەرانیان لە پەرلەمانی کوردستان، هاوکات ئاماژەی بە ڕۆڵی هاوبەشانی پرۆسەی هەڵبژاردن کرد لە تەواوی کاندیدان و حزب و هاوپەیمانییەتییەکان و کۆمەڵگەکانی مەدەنی ناوخۆ و نێودەوڵەتی و دامەزراوەکانی ڕاگەیاندن، لەگەڵ نێردەی نەتەوە یەکگرتووەکان یۆنامی.
حوسەینی، سوپاسی دەسەڵاتی فیدراڵی و محەمەد شیاع سوودانی سەرۆک وەزیران و حکوومەتی هەرێمی کوردستان دەکات بۆ پاڵپشتیان لە کارەکانی کۆمیسیۆنی باڵای سەربەخۆی هەڵبژاردنەکان، هاوکات سوپاسی ئەندامانی لیژنەی ناوەندی فەرمانگەی هەڵبژاردنەکانی پەرلەمانی کوردستانی و تەواوی کادیرانی کۆمیسیۆنی هەڵبژاردنی کرد.
حوسەینی لەگەڵ ئەندامانی لیژنەی ناوەندی، پرسی تایبەت بە ڕاگەیاندنی بەرایی و ئەنجامەکانی هەڵبژاردنی تاوتوێ کرد لەگەڵ یەکلاکردنەوەی سکاڵاکانی پەیوەست بە هەڵبژاردن.