"هیچ بڕیار و پێشنیارێک بۆ درێژکردنەوەی قەدەغەی هاتووچۆ لە ئارادا نییە"
روونكردنەوەیەك لە وەزارەتی تەندروستی حكوومەتی هەرێمی کوردستان
K24 - ھەولێر
وەزارەتی تەندروستی حكومەتی ھەرێمی كوردستان لە روونكردنەوەیەكدا ئاشكرای كرد "هیچ بڕیار و پێشنیارێک بۆ درێژکردنەوەی قەدەغەی هاتووچۆ لەکاتی ئێستادا نییە".
لە روونكردنەوەكەی وەزارەتی تەندروستی ھاتووە: "لە چەند دەزگایەكی میدیایی لێدوانێك لەسەر ناوی وەزیری تەندروستی بڵاوكرایتەوە گوایە قەدەغەی هاتووچۆ درێژدەکرێتەوە. لێرەوە هاووڵاتییان و دەزگاکانی راگەیاندن دڵنیا دەكەینەوە كەوا هیچ بڕیار و پێشنیارێكی لەوشێوەیە لە ئارادا نییە و هیچ لێدوانێکی لەم جۆرە نەدراوە، بەڵکو لەكاتی پێویست و هەر رەوشێکی نوێ بە هەماهەنگی لیژنەی باڵای بەرەنگاربوونەوەی کۆرۆنا بە فەرمی رێنمایی پێویست و رێکارەکانی خۆپارێزی رادەگەیەندرێت".
وەزارەتی تەندروستی جەختدەكاتەوە: "جارێكی تر داوا لە هاووڵاتییانی خۆشەویست دەكەینەوە كە باپەندی رێنماییەكانی تەندروستی بن بۆ رێگەگرتن لە بڵاوبوونەوەی نەخۆشی ڤایرۆسی کۆرۆنای نوێ COVID-19".