ڕێژەی هەڵاوسان لە هەرێمی کوردستان ڕاگەیەنرا

دەستەی ئاماری هەرێمی کوردستان داتای تایبەت بە ڕێژەی هەڵاوسانی بڵاوکردەوە.

بەپێی داتاکانی دەستەکە ڕێژەی هەڵاوسان لە هەرێمی کوردستان بەراورد بە مانگەکانی ڕابردوو گۆڕانکارییەکی ئەوتۆی بەخۆیەوە نەبینیوە.
لە داتاکاندا هاتووە؛ ڕێژەی هەڵاوسان بۆ مانگی ئەیلوول بریتیبووە لە 4.3% ئەوەش تەنیا دوو پۆینت لە رێژەی هەڵاوسانی مانگی ڕابردوو بەرزترە کە 4.1% بوو.
نزمترین ئاستی ڕێژەی هەڵاوسان لە هەرێمی کوردستان کە لەم ساڵدا تۆمار کراوە لە مانگی یەکی ئەمساڵ بووە لە 1.0% بووە، بەرزترین ڕێژەش لە مانگەکانی پێنج و شەش بووە کە 5.3% بووە.
ڕێژەی هەڵاوسان کە دەرخەری تێکڕای بەرزبوونەوەی نرخە لە ماوەی ساڵێکدا، لە هەرێمی کوردستان بەراورد بە وڵاتانی ناوچەکە لە ئاستێکی زۆر نزمدایە، چوونکە لە وڵاتانی وەکو تورکیا و ئێران و سووریا ڕێژەکە لە سەروو 40% واتە 10 هێندەی هەرێمی کوردستانە.