ئاكرێ ناسناوی جامی سوپەری كوردستانی بەدەستهێنا

لە یارییەكی دراماتیكی دا ئاكرێ بۆ یەكەمجار لە مێژوویدا بووە پاڵەوانی جامی سووپەری كوردستان، بەمەش ئاكری لە 2024 دووەمین نازناوی لە مێژووی خۆیدا بەدەستهێنا.
ئێوارەی ئەمڕۆ هەینی، 1 نۆڤێمبەری 2024، لە نێو یاریگە نوێیەكەی یانەی ئاكرێ لە یاریی جامی سوپەری كوردستان ئاكرێ و هەندرێن بەیەكگەیشتن، لە كۆتاییەكانی نیوەی یەكەم بە دیاریكراوی لە خولەكی 45 ئاكرێ لە رێگەی سەڵاح حەسەن بە گۆڵێك پێشكەوت.
لەگەڵ دەستپێكی نیوەی دووەم، هەندرێن لە خولەكی 51 ئەنجامەكەی لە رێگەی ئەمیر ئیسماعیل یەكسان كردەوە، بەڵام لە كۆتاییەكانی یارییەكە، ئاكرێ هەمووانی شۆك كرد كاتێك دوو گۆڵی لەسەریەكی تۆمار كرد، ساموێل بە ئاسیستی سەڵاح حەسەن لە خولەكی 85 گۆڵی دووەمی ئاكرێی تۆمار كرد، پێش ئەوەی ناوبژیوانیش فیكەی كۆتایی یارییەكە لێ بدات، ئاكرێ لە رێگەی ئیبراهیم بابەزادە گۆڵی سێیەم و دڵنیایی تۆمار كرد و بۆ یەكەمجار لە مێژوویدا بووە پاڵەوانی جامی سووپەری كوردستان، بەمەش ئاكرێ لە 2024 دووەمین نازناوی لە مێژووی خۆیدا بەدەستهێنا دوای ئەوەی هەر لەم ساڵەدا بۆ یەكەمجار نازناوی خولی نایابی كوردستانیشی بەدەستهێنا بوو.