كریستیانۆیەكەی سلێمانی پەیوەندی بە یانەی هەولێر كرد

یانەی هەولێر بۆ خولی نایابی كوردستان لەگەڵ ئەستێرەیەكی لاوی سلێمانی گەیشتە رێككەوتن كە بە كریستیانۆیەكەی سلێمانی ناسراوە.

كریستیانۆ ئەحمەد 3 رۆژە لەگەڵ تیپی خولی كوردستانی یانەی هەولێر راهێنان دەكات و لە یەكەمین رۆژی راهێنانەكانی رەزامەندی ستافی هونەری یانەكەی بەدەستهێنا و ئەمڕۆ بە فەرمی گرێبەستەكەی بۆ خولی نایابی كوردستان واژۆ كرا.
كریستیانۆ ئەحمەد تەمەنی 23 ساڵە و وەكو یاریزانێكی جۆكەر ناسراوە، بەوپێیەی دەتوانێت لە چەندان هێڵی جیاواز یاریی بكات، وەكو بەرگریكاری لای راست و هێرشبەری باڵ یاریی كردووە و ئێستاش لە یانەی هەولێر دەیانەوێت وەكو ناوەراستكارێك بۆ ئەم وەرزە سوودی لێ ببینن.
كریستیانۆ ئەحمەد پێشتر لە خولەكانی كوردستان یاریی بۆ یانەكانی نەورۆز و سلێمانی كردووە و پێش ئەوەی پەیوەندی بە یانەی هەولێریش بكات چەندان یانە بۆ گواستنەوەی لە گفتوگۆ دابوون، بەڵام ئەو یاریزانە بڕیاری دا ئەزموونێكی نوێ لەگەڵ بەرگزەردەكانی قەڵاومنارە تاقی بكاتەوە.