کۆمپانیا تورکییەکان ڕۆژانە 40 هەزار بەرمیل نەوت لە سێ وڵات بەرهەم دەهێنیت کە یەکیان عێراقە
ئالپ ئەرسلان بەیرەکدار، وەزیری وزە و سامانە سروشتییەکانی تورکیا ڕایگەیاند، کۆمپانیاکانی تورکیا ڕۆژانە تا 40 هەزار بەرمیل نەوت لە وڵاتان بەرهەم دەهێنێت کە یەکێک لەو وڵاتانە عێراقە.
بەیرەکدار لە کۆنگرەیەکی ڕۆژنامەوانیدا ڕایگەیاندووە، کۆمپانیاکانی تورکیا ڕۆژانە نزیکەی 40 هەزار بەرمیل نەوت لە عێراق و ڕووسیا و ئازەربایجان بەرهەم دەهێنن، ئەمەش لە کاتێکدایە نزیکەی 110 هەزار بەرمیل لە ناوخۆی وڵاتدا بەرهەم دەهێنرێت.
ئاماژەی بەوەشکرد، تورکیا گازی سروشتی زیاتر لە دەرەوەی وڵات بەرهەم دەهێنێت وەک لەوەی لەسەر خاکی خۆی بەرهەمی بهێنێت.
ئەوەشی خستە ڕوو، تورکیا هاوبەشی لە دەریای قەزوین، لیبیا، نەیجیریا، سودان، سۆماڵ و ناوچەکانی دیکەدا هەیە.