وادەی کۆبوونەوەی بایدن و ترەمپ ڕاگەیەنرا
بۆ یەکەمجار لە دوای هەڵبژاردنەوەی بە سەرۆکی ئەمەریکا، دۆناڵد ترەمپ لەگەل جۆو بایدن کۆدەبێتەوە.
جۆو بایدن، سەرۆکی ئەمەریکا ڕایگەیاند، ڕۆژی چوارشەممە، 13ـی تشرینی دووەمی 2024، لە کۆشکی سپی پێشوازی لە دۆناڵد ترەمپ سەرۆکی هەڵبژێردراوی ئەمەریکا دەکات.
لای خۆیەوە کۆشکی سپی ئاشکرای کرد، ڕۆژی چوارشەممە لە ئۆڤەڵ ئۆفیس، بایدن و دیموکراتەکان لەگەڵ ترەمپ کۆدەبنەوە، وەک ئاماژەیەک بۆ دەست پێکی دەستا و دەست کردنی دەسەڵات بە شێوەیەکی ئاشتییانە.
ڕۆژی سێشەممە 5ـی تشرینی دووەمی 2024، هەڵبژاردنی سەرۆکایەتیی ئەمەریکا دەستی پێ کرد و دوو بەربژێر بۆ بەدەستهێنانی پۆستی سەرۆکایەتی ئەمەریکا کێبڕکێی توندیان کرد، ئەوانیش دۆناڵد ترامپ لە پارتی کۆمارییەکان و کامالا هاریس لە دیموکراتەکان بوون. لە ئەنجامدا دۆناڵد ترەمپ سەرکەوت.