ئەنجومەنی وەزیران دانوستاندن لەگەڵ بەغدا و جێبەجێکردنی یاسای چاکسازی تاوتوێ دەكات

K24 - ھەولێر

ئەمڕۆ چوارشەممە 2020/6/3 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن کۆدەبێتەوە.

سەرچاوەیەك لە ئەنجومەنی وەزیرانی ھەرێمی كوردستان بە كوردستان24ی راگەیاند، تەوەرەکانی کۆبوونەوەکە بریتین لە:

• خستنەڕووی راپۆرتی تەوەر و وردەکارییەکانی شاندی باڵای حکومەتی هەرێمی کوردستان بۆ گفتوگۆ لەگەڵ حکومەتی فیدراڵی لە بەغدا.
• خستنەڕووی راپۆرتی لیژنەی باڵای چاکسازی سەبارەت بە بەدواداچوونی هەنگاوەکانی وەزارەت و لایەنە پەیوەندیدارەکان بۆ جێبەجێکردنی یاسای چاکسازی.
• گفتوگۆکردن لە سەر رەشنووسی چەند پڕۆژە یاسایەک.