ئەمینی بەغدا دوو تابلۆ بە دیاری پێشکەشی سەرۆک بارزانی دەکات

سەرۆک بارزانی و ئەمینی بەغدا کۆ بوونەوە و هەردوولا باسیان لە پلان و بەرنامەکانی پەیوەست بە ئاوەدانکردنەوە و گەشەپێدانی ژێرخانەکان لە بەغدا کرد.

ئەمڕۆ شەممە 30ـی تشرینی دووەمی 2024، لە سەڵاحەددین سەرۆک مەسعود بارزانی، پێشوازیی لە ئەندازیار عەمار مووسا کازم، ئەمینی بەغدا کرد.

بارگای بارزانی بڵاوی کردەوە، لە دیدارەکەدا باس لە پلان و بەرنامەکانی پەیوەست بە ئاوەدانکردنەوە و گەشەپێدانی ژێرخانەکان لە بەغدا  کرا و سەرۆک بارزانی دەستخۆشی لە هەوڵ و هەنگاوەکان بۆ ئاوەدانکردنەوە و بووژانەوەی بەغدا کرد.

هەر لەو دیدارەدا ئەمینی بەغدا دوو تابلۆی بە دیاری پێشکەشی سەرۆک بارزانی کرد کە یەکێکیان وێنەی سەردەمی منداڵیی سەرۆک مەسعود بارزانی بوو.