پێنج تووشبووی نوێی کۆرۆنا لە هەڵەبجە دەستنیشانکران

K24 - هەڵەبجە

پێنج تووشبووی نوێی ڤایرۆسی کۆرۆنا لە پارێزگای هەڵەبجە دەستنیشانکران، کە لە دوو پیاو و دوو ئافرەت و منداڵێک پێکدێن، سێیان بەرکەوتووی تووشبووانی پێشوون و دووانیان نیشانەی نەخۆشییەکەیان هەیە.

بەپێی ئامارەکانی حکومەت؛ ژمارەی تووشبووانی کۆرۆنا لە پارێزگای هەڵەبجە بەو تووشبووانەی ئەمڕۆوە گەیشتووەتە 32 کەس، لەو ژمارەیەش 22ـیان چارەسەرکراون و هیچ کەسێکیان بە کۆرۆنا گیانی لەدەستنەداوە.

راگەیەندراوی وەزارەتی تەندروستی:

دەرەنجامی نوێ ...

لە بەردەوامی پشکنینەکان و گەڕان بەدوای تووشبووان، پێنج تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەڵەبجە دەستنیشانکران، دوو پیاو و دوو ئافرەت و منداڵێك، سێ تووشبوو بەرکەوتووی تووشبووانی پێشوون و دوو تووشبوو نیشانەی نەخۆشیان هەیە،

سێ تووشبوو دانیشتووی گەڕەکی کیمیاباران، 

یەك تووشبوو دانیشتووی گەڕەکی کانی عاشقان،

یەك تووشبوو دانیشتووی گەڕەکی مەرزەبۆتۆ.

وەزارەتی تەندروستی

١٠ حوزەیران ٢٠٢٠

هـ.ر.