له عێراق 1180 كهسی دیكه تووشی كۆرۆنا بوون
دۆخی تهندروستی 113 تووشبوو ناجێگیره
.jpg)
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، له ماوهی 24 كاتژمێری رابردوودا پشكنینی پزیشكی بۆ 10 ههزار و 325 گومانلێكراو ئهنجامدراوه و تووشبوونی 1180 كهسی دیكه به پهتاكه پشتڕاست كرایهوه.
وهك له راگهیهندراوهكهدا هاتووه، له ماوهی شهو و رۆژێكدا 53 كهسیش بههۆی پهتاكه گیانیان لهدهستداوه.
هاوكات 647 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه ژمارهیان گهیشته 18 ههزار و 950 حاڵهت، لهو ژمارهیهش 549 كهس بههۆی ڤایرۆسهكهوه گیانیان لهدهستداوه و 7 ههزار و 515 كهسیش به تهواوی چاك بوونهتهوه و 10 ههزار و 886 كهسیش له نهخۆشخانهكان لهژێر چاودێری پزیشكیدان، لهو ژمارهیهش 113 كهسیان بههۆی ناجێگیری دۆخی تهندروستییان له ژێر چاودێری چڕی پزیشكیدان.
H.B