دوو سیناتۆری ئەمەریکا بۆ تورکیا: هێرش بکەیتە سەر ڕۆژئاوای کوردستان، سزات دەدەین
دوو سیناتۆری ئەمەریکا هەڕەشەی سەپاندنی سزا بەسەر تورکیادا دەکەن لە ئەگەری هێرشکردنە سەر ڕۆژئاوای کوردستان.
سیناتۆر کریس ڤان هۆڵین، لە دیموکراتەکان و لیندسی گراهام لە کۆمارییەکان؛ هەڕەشەی سەپاندنی سزا بەسەر تورکیادا دەکەن ئەگەر ئاگربەست لەگەڵ کوردەکانی سووریا ڕانەگەیەنێت و پێشنیازی ناوچەی لە چەک داماڵراو قبووڵ نەکات.
لەم بارەیەوە لە پێگەی تایبەتی خۆیان لە تۆڕی کۆمەڵایەتیی ئێکس، سیناتۆر، کریس ڤان هۆڵین و لیندسی گراهام نووسیویانە: "ئەم هەفتەیە پرۆژە یاسایەک بۆ سەپاندنی سزا بەسەر تورکیادا ئامادە دەکەین، ئەگەر ئەنقەرە پێشنیازی ئاگربەستی ئەمەریکا لەگەڵ هێزەکانی سووریای دیموکرات ڕانەگەیەنێت و پێشنیازی مەزڵوم عەبدی فەرماندەی ئەو هێزە بۆ دروستکردنی ناوچەی لەچەک داماڵراو قبووڵ نەکات."
Attacks from Turkish-backed forces on our Syrian Kurdish partners undermine regional security & efforts to prevent an ISIS resurgence. Turkey must accept a ceasefire & demilitarized zone or we’ll move forward with bipartisan sanctions legislation.
— Senator Chris Van Hollen (@ChrisVanHollen) December 17, 2024
My statement with Sen. Graham: pic.twitter.com/TzOa1DrrAD