له عێراق 1554 كهسی دیكه تووشی كۆرۆنا بوون
دۆخی تهندروستی 159 تووشبوو ناجێگیره
.jpg)
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، له ماوهی 24 كاتژمێری رابردوودا پشكنینی پزیشكی بۆ 13 ههزار و 53 گومانلێكراو ئهنجامدراوه و تووشبوونی ههزار و 554 كهسی دیكه به پهتاكه پشتڕاست كرایهوه.
وهك له راگهیهندراوهكهدا هاتووه، له ماوهی شهو و رۆژێكدا 61 كهسیش بههۆی پهتاكه گیانیان لهدهستداوه.
هاوكات 908 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه ژمارهیان گهیشته 24 ههزار و 254 حاڵهت، لهو ژمارهیهش 773 كهس بههۆی ڤایرۆسهكهوه گیانیان لهدهستداوه و 10 ههزار و 770 كهسیش به تهواوی چاك بوونهتهوه و 12 ههزار و 711 كهسیش له نهخۆشخانهكان لهژێر چاودێری پزیشكیدان، لهو ژمارهیهش 159 كهس بههۆی ناجێگیری دۆخی تهندروستییان له ژێر چاودێری چڕی پزیشكیدان.
H.B