تەقە لە لقی چواری پارتی لە سلێمانی کرا
چەند گوللەیەک بەر باڵەخانەی لقی چوار کەوتووە
K24- سلێمانی:
کامەران غەرەیب، کارگێری لقی چواری پارتی دیموكراتی كوردستان به کوردستان24ی راگهیاند، كاتژێر 11:45 خولەک، لە ئۆتۆمبێلێکەوە تەقە لە بارەگای لقی چواری پارتی لە سلێمانی کراوە و هێزە ئەمنییەکانیش کاردانەوەیان نەبووە.
راشیگەیاند، زیانی ماددی بەر بارەگاکە کەوتووە، بەڵام هیچ زیانێکی گیانی نەبووە.
ئاماژەی بەوەشدا، لە تەنیشت پێشانگایەکی ئۆتۆمبێل تەقەکان کراوە و پاسەوانی بارەگاکەش وەڵامیان هەبووە.
جاری یەکەم نییە تەقە لە لق و ناوچەکانی پارتی لە سنووری سلێمانی دەکرێت، لە بەرامبەریشدا، پارتی سەلامەتی بارەگا و ئەندامەکانی دەخاتە ئەستۆی هێزە ئەمنییەکان.
