پێنج پەرلەمانتاری عێراق تووشی كۆرۆنا بوون
بەڕێوەبەرێك و 28 فەرمانبەریش ھەڵگری ڤایرۆسەكەن
K24 - ھەولێر
پێنج پەرلەمانتاری عێراق و 28 فەرمانبەر لە ئنجومەنی نوێنەران تووشی ڤایرۆسی كۆرۆنا بوون.
سەرچاوەیەك لە پەرلەمانی عێراق بە كوردستان24ی راگەیاند: "پێنج پەرلەمانتار محەمەد حەلبوسی، سەرۆكی پەرلەمانیان ئاگادار كردووەتەوە، كە تووشی ڤایرۆسی كۆرۆنا بوون".
ئاشكراشی كرد: "دەركەوتووە جگە لەو پەرلەمانتارانە بەڕێوەبەرێكی گشتیی و 28 فەرمانبەری دیكەی پەرلەمانی عێراق ھەڵگری ڤایرۆسی كۆرۆنان".
بەگوێرەی دوایین ئاماری وەزارەتی تەندروستی عێراق تائێستا 30 ھەزار و 868 كەس لە عێراق تووشی كۆرۆنا بوونە و نزیكەی 16 ھەزار كەسیان لەژێر چاودێری پزیشكیدان.