10 منداڵی چەكدارانی داعش لە رۆژئاوای كوردستان رادەستی فەرەنسا كرانەوە
نزیكەی 28 ھەزار منداڵی چەكدارانی داعش لە كەمپەكانی رۆژئاوا ھەن
K24 - ھەولێر
بەڕێوەبەرایەتی خۆسەر 10 منداڵی چەكدارانی داعشی رادەستی شاندێكی وەزارەتی دەرەوەی ئەو وڵاتە كرد.
عەبدولكەریم عومەر، ھاوسەرۆكی دەستەی پەیوەندییەكانی دەرەوەی بەڕێوەبەرایەتی خۆسەر رایگەیاند، شاندێكی وەزارەتی دەرەوەی فەرەنسا لە قامشلۆ سەردانی كردون و بە گوێرەی بەڵگەنامە فەرمییەكان، 10 منداڵی چەكدارانی داعشی بە رەچەڵەك فەرەنسییان رادەست كردون.
بەگوێرەی ئاماری رێكخراوی یونسێف، نزیكەی 28 ھەزار منداڵی چەكدارانی داعش كە بیانین، لە كەمپەكانی بەرێوەبەرایەتی خۆسەر لە رۆژئاوای كوردستان ھەن، كە 20 ھەزاریان عێراقین. پێشتریش نەتەوە یەكگرتووەكان رایگەیاندبوو، لەنێوان 700 بۆ 750 منداڵ پەیوەندییان بە ئەوروپاوە ھەیە كە 300 یان فەرەنسین.