شاندی حکومەتی هەرێمی کوردستان لەگەڵ سەرۆك کۆماری عێراق کۆبووەوە

K24- به‌غدا:

لە دووەم رۆژی سەردانەکەیاندا بۆ بەغدا شاندی حکوومەتی هەرێمی کوردستان بە سەرۆکایەتی قوباد تاڵەبانی، لەگەڵ بەرهەم ساڵح، سەرۆك کۆماری عێراق کۆبووەوە و لە کۆبوونەوەکەدا گفتوگۆ لەبارەی دۆخی عێراق و هەرێمی کوردستان و چارەسەرکردنی کێشەکان کرا.

بەرهەم ساڵح سەرۆك کۆماری عێراق رایگەیاند، پێویستە سەرجەم کێشەکان لەسەر بنەمای دەستور چارەسەر بکرێن.

بڕیاریشە لەبارەی پرسە هەڵپەسێدراوەکانی نێوان هەولێر و بەغدا، لەوانەش دۆسیەی نەوت و شایستە داراییەکانی هەرێمی کوردستان، شاندی حکومەت کۆبوونەوە و گفتوگۆکانیان لەگەڵ وەزارەت و لایەنە پەیوەدارەکانی حکومەتی فیدراڵ درێژە پێبدەن.

H.B