تەندروستی هەڵەبجە ئاماری حاڵەتەکانی کۆرۆنای بڵاوکردەوە

K24- هەڵەبجە:

بەڕێوەبەرایەتی تەندروستی هەڵەبجە بڵاویکردەوە، تاوەکو ئێستا لە پارێزگای هەڵەبجە، 203 کەس تووشی ڤایرۆسی کۆرۆنا بوون، 73 کەس چارەسەرکراون و پێنج کەسیش گیانیان لەدەستداوە.

ئاماژەی بەوەشکردووە، دوو پزیشک و 9 کارمەندی تەندروستی تووشی ڤایرۆسەکە بوون.

هەروەها، هەزار و 108 پشکنینی ڤایرۆسی کۆرۆنا ئەنجام دراوە.

دەقی راگەیەندراوەکە:

کارو چالاکی و ئاماری نەخۆشخانەی وەفا تایبەت بەکۆرۆنا سەر بەبەڕێوبەرایەتی گشتی تەندروستی هەڵەبجە. 

تائێستا  (1108) پشکنین ئەنجام دراوە. 

(203) کەس لەسنوری پارێزگای هەڵەبجە توشی ڤایرۆسی کۆرۆنا بوون.

لەئێستادا (27 ) توشبوو لەنەخۆشخانە داخڵکراوون. 

73 کەسیش بۆهۆی چاکبونەوەیان ڕەوانەی ماڵەوە کراونەتەوە.

تائێستا  (2) پزیشک و  (9 ) کارمەند توشی ڤایرۆسی کۆرۆنا بوون.

(5) کەسیش بەهۆی توشبونیان بەڤایرۆسی  کۆرۆناوە گیانیان لەدەستداوە.