سەرۆک وەزیران جەخت لە برەوەدان بە پەیوەندییەکان لەگەڵ ئێران دەکاتەوە
ئەمڕۆ دووشەممە، 17-02-2025, مەسرور بارزانی، سەرۆکی حکوومەتی هەرێمی کوردستان، پێشوازیی لە مەجید تەختڕەوانچی، جێگری وەزیری دەرەوەی کۆماری ئیسلاميی ئێران بۆ کاروباری سیاسی کرد.
بە گوێرەی ڕاگەیەنراوی حکوومەتی هەرێمی کوردستان، لە دیدارەکەدا، دوایین گۆڕانکاری و پێشهاتەکانی عێراق و ناوچەکە و پەرەپێدانی پەیوەندییەکانی هەرێمی کوردستان و کۆماری ئیسلاميی ئێران تاوتوێ کرا.
ئاماژە بەوەش کراوە هەردوولا جەختیان لە برەودان بە پەیوەندیی دوولایەنە، بە تایبەتی لە بواری ئابووری و ئاڵۆگۆڕی بازرگانی لەسەر بنەمای بەرژوەنديی هاوبەش کردەوە.
Today, I spoke with DFM @TakhtRavanchi about the developments in the region. We underlined the importance of strong bilateral relations, economic reform, and trade cooperation to drive mutual prosperity. pic.twitter.com/X5YzPIrlE6
— Masrour Barzani (@masrourbarzani) February 17, 2025