له عێراق 105 كهسی دیكه بههۆی كۆرۆنا گیانیان لهدهستدا
دۆخی تەندروستی 306 كەس ناجێگیرە
.jpg)
K24- هەولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، له ماوهی 24 كاتژمێری رابردوودا پشكنینی پزیشكی بۆ 11 ههزار و 711 گومانلێكراو ئهنجامدراوه و تووشبوونی 2 ههزار و 125 كهسی دیكه به پهتاكه پشتڕاست كرایهوه.
وهك له راگهیهندراوهكهدا هاتووه، له ماوهی شهو و رۆژێكدا 105 كهسیش بههۆی پهتاكه گیانیان لهدهستداوه.
هاوكات 1940 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه ژمارهیان گهیشته 60 ههزار و 479 حاڵهت، لهو ژمارهیهش 2 ههزار و 473 كهس بههۆی ڤایرۆسهكهوه گیانیان لهدهستداوه و 33 ههزار و 17 كهسیش به تهواوی چاك بوونهتهوه و 24 ههزار و 989 كهسیش له نهخۆشخانهكان لهژێر چاودێری پزیشكیدان، لهو ژمارهیهش 306 كهس بههۆی ناجێگیری دۆخی تهندروستییان له ژێر چاودێری چڕی پزیشكیدان.
H.B