وەزارەتی تەندروستی عێراق نوێترین ئاماری حاڵەتەکانی کۆرۆنای بڵاوکردەوە

K24- هەولێڕ:

وەزارەتی تەندروسی عێراق، تووشبوونی هەزار و  796 کەس و مردنی 94 کەسی دیکەی بە ڤایرۆسی کۆرۆنا راگەیاند.

هەروەها، هەزار و 724 کەسیش لە ماوەی 24 کاتژمێری رابردوو چاکبوونەتەوە و نەخۆشخانەیان جێهێشتووە.

بەگوێرەی راگەیەندراوێکی وەزارەتی تەندروستی، زۆربەی حاڵەتە نوێکان و حاڵەتەکانی گیانلەدەستدان، لە بەغدا، سلێمانی، کەربەلا، بەسرە و زیقار تۆمارکراون.

بەم ئامارە نوێیەوە، ژمارەی تووشبووان لە عێراق بۆ 62 هەزار و 275 کەس هەڵکشا، لەو ژمارەیە، 34 هەزار و 741 کەس چاکبوونەتەوە و دوو هەزار و 567 کەسیش گیانیان لەدەستداوە.