وەزارەتی تەندروستی عێراق نوێترین ئاماری حاڵەتەکانی کۆرۆنای بڵاوکردەوە

K24- هەولێر:

وەزارەتی تەندروستی عێراق تووشبوونی دوو هەزار و 49 کەس و گیان لەدەستدانی 75 کەسی دیکەی بە ڤایرۆسی کۆرۆنا راگەیاند.

تەندروستی عێراق ئاماژەی بەوەشکردووە، لە ماوەی 24 کاتژمێری رابردوو،  هەزار و 997 کەس ڤایرۆسەکەیان تێپەڕاندووە.

بەگوێرەی دواین ئامار، تۆمارکردنی حاڵەتەکان لە پارێزگاکانی سلێمانی و هەولێر کەمیکردووە کە 33 و 42 حاڵەتیان لێ تۆمارکراوە.

هەروەها، زۆرترین حاڵەت لە بەغدا، نەجەف، بەسرە، بابل، زیقار و میسان تۆمار کراون.

بەم ئامارە نوێیەوە، ژمارەی تووشبووان لە عێراق بۆ 90 هەزار و 220 کەس بەرزبووەوە.

لەو ژمارەیەش، 58 هەزار و 492 کەس چاکبوونەتەوە و سێ هەزار و 691 کەس گیانیان لەدەستداوە.