شەممەی داهاتوو حکوومەتی نوێی سووریا ڕادەگەیەنرێت

چەند سەرچاوەیەک ئاشکرایان کردووە، شەممەی داهاتوو حکوومەتی نوێی سووریا لە لایەن ئەحمەد شەرعەوە ڕادەگەیەنرێت.

ژمارەیەک میدیای عەرەبی و ناوچەیی لە سەر زاری چەند سەرچاوەیەکی ئاگادارەوە بڵاویان کردووەتەوە، دوای ڕاگەیاندنی دەستووری نوێ، بڕیارە شەممەی داهاتوو، 29-03-2025، کابینەی نوێی حکوومەتی سووریا ڕابگەیەنرێت.

بە گوێرەی زانیارییەکان، دوای ئەوەی دەستووری ماوەی ڕاگوزەر لە سووریا نووسرایەوە و لایەن ئەحمەد شەرعەوە پەسەند کرا، وەزیرەکان لەلایەن ناوبراوەوە هەڵدەبژێردرن و ڕۆژی شەممەش کابینەی نوێی حکوومەت بەگوێرەی دەستووری قۆناغی ڕاگوزەر ڕادەگەیەنرێت.

بەگوێرەی دەستووری نوێ، قۆناغی ڕاگوزەری سووریا بۆ ماوەی پێنج ساڵ درێژەی دەبێت.