نرخی نەوت زیاتر بەرزبووەوە

K24- هەولێر:

ئەمڕۆ سێشەممە، نرخی نەوت بەهۆی ئەگەری زیادبوونی خوست لە ئاسیا، بەرزبووەوە.

نەوتی خاوی برێنت، 22 سەنت بەرزبووەوە و گەیشتە 45 دۆلار و 21 سەنت، هەروەها نرخی یەک بەرمیل نەوتی تێکساسیس، 32 سەنت بەرزبووەوە و بە 42 دۆلار و 26 سەنت مامەڵەی پێوەدەکرێت.

یەکێکی دیکە لە هۆکارەکانی بەرزبوونەوەی نرخی نەوت، تویتێکی دۆناڵد ترەمپی سەرۆکی ئەمەریکایە کە رایگەیاندبوو، لەگەڵ دیموکراتەکان دادەنیشن و باس لە باشترکردنی دۆخی ئابووری دەکەن کە بەهۆی ڤایرۆسی کۆرۆنا لاواز بووە.

هەروەها، دابەزینی بەهای دۆلار، کاریگەری لەسەر بەرزبوونەوەی نرخی نەوت بە بەروارد بە چەند مانگی رابردوو هەیە.

Reuters