بۆ سێیهم رۆژ لهسهر یهك عێراق سهرووی 4 ههزار تووشبووی كۆرۆنا تۆمار دهكات
ژمارهی تووشبوون زۆر له چاكبوونهوه زیاتره
.gif)
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، لهماوهی 24 كاتژمێری رابردوودا پشكنین بۆ 18 ههزار 295 كهس ئهنجامدراوه و تووشبوونی 4 ههزار و 348 كهسی دیكه به پهتاكه پشتڕاست كرایهوه.
وهك لهراگهیهندراوهكهدا هاتووه، لهماوهی شهو و رۆژێكدا 75 كهسیش بههۆی پهتاكه گیانیان لهدهستداوه.
هاوكات 2 ههزار و 674 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته 176 ههزار و 931 حاڵهت، لهو ژمارهیهش 5 ههزار و 860 كهس بههۆی ڤایرۆسهكهوه گیانیان لهدهستداوه و 125 ههزار و 374 كهسیش بهتهواوی چاك بوونهتهوه و 45 ههزار و 697 كهسیش له نهخۆشخانهكان لهژێر چاودێری پزیشكیدان، لهو ژمارهیهش 572 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
H.B