وەزارەتى خوێندنى باڵا  گشتاندنێکی سەبارەت بە خوێندنی ماستەرو دکتۆرا لە زانکۆکانی عێراق بڵاوکردەوە

وەزارەتی خوێندنی باڵا و توێژینەوەی زانستی حکومەتی هەرێمی کوردستان، گشتاندنێکی ئاراستەی سەرجەم زانکۆ حکومییەکانی هەرێمی کوردستان کردووە سەبارەت بە پێدانی لاری نەبوون بۆ پێشکەشکردن خوێندنی ماستەر و دکتۆرا و بۆردی پزیشکی لە عێراق.

 وەک لە ڕاگەیەندراوی وەزارەتی خوێندنی باڵادا هاتووە، فەرمانبەران و مامۆستایانی وەزارەتی خوێندنی باڵاو توێژینەوەی زانستی بە پێی مەرجەکان، دەتوانن لاری نەبوون داوابکەن بۆ درێژەدان بە خوێندنی باڵا لە زانکۆکانی ناوەڕاست و باشووری عێراق.

ئەوەشی ئاشکرا کردووە، پرۆسەی پێشکەشکردن لە 15ـی ئایاری 2025،  دەستی پێکردووە و تا  10ـی حوزەیرانی 2025، بەردەوام دەبیت، پرۆسەی خوێندنیش لە 1ـی ئەیلوولی 2025 دەستپێدەکات.

وەزارەتی خوێندنی باڵا ڕایگەیاندووە، پێشکەشکردن بەشێوەی ئۆنلاین لە ڕێگەی ئەم لینکەی خوارەوە دەبێت؛

‏https://adm.rdd.edu.iq/

هاوکات لە ڕێگەی ئەم لینکەی خوارەوە دەتوانن بە شێوەی pdf مەرج و رێنمایەکانی پێشکەشکردنی وەزارەتی خوێندنی باڵاو توێژینەوەی زانستی عێراق بخوێنەوە:

‏https://adm.rdd.edu.iq/media/admissions.pdf