مەشعان جبوری: کشانەوەی کورد لە پرۆسەی سیاسی عێراق بوومەلەرزەیە

مـەشعان جبوری، کەسایەتی سیاسی عێراق لە تۆڕی کۆمەڵایەتی ئێکس نووسیوویەتی: کشانەوەی کورد لە پرۆسەی سیاسی عێراق ڕووداوێک نابێت بە ئاسانی تێپەڕ بێت، بەڵکو بومەلەرزەیەکە سەقامگیریی لە عێراق ناهێڵێت.

شەممە 31ـی ئایاری 2025، لەگەڵ کۆبوونەوەی پارت و لایەن و هێزە سیاسییەکانی کوردستان لە پیرمام لەپێناو وەرگرتنی هەڵوێستێکی یەکلاکەرەوە بەرانبەر بەغدا و پێشێلکردنی دەستوور، مەشعان جبوری، کەسایەتی سیاسی عێراق لە تۆڕی کۆمەڵایەتی ئێکس نووسیوویەتی: کورد هاوبەشی سەرەکیی بوون لە ڕووخاندنی  ڕژێمی سەدام، لەگەڵ کردنەوەی دەرگای نێودەوڵەتی بەڕووی ئۆپۆزسیۆن.

دەڵێت: کشانەوەیان لە پرۆسەی سیاسی عێراق تەنها ئامادەنەبوون نییە لە پرۆسەکە، بەڵکو ڕووخانی بەشێکی شەرعییەتی نیشتمانییە، زۆر زەحمەتە عێراق بتووانێت بەرپرسیارەتی کاردانەوەکانی ئەو بڕیارەی کورد بگرێتە ئەستۆ.

لە کۆتایشدا نووسیوویەتی: هیچ جێگرەوەیەک بۆ گفتوگۆ و دیالۆگ نییە.

پێشنیوەڕۆی ئەمڕۆ شەممە، 31-05-2025، کۆبوونەوەی گرنگ و فراوانی هێز و لایەنە سیاسییەکانی هەرێمی کوردستان بە سەرپەرشتیی دەستەی کارگێڕیی پارتی دیموکراتی کوردستان لە پیرمام دەست پێ کرد. 

لە کۆبوونەوەکەدا تاوتوێی دۆخی گشتیی ئێستای عێراق، هەرێمی کوردستان و ناوچەکە دەکرێت. هەروەها هەڵوێستی لایەنە سیاسییەکانی هەرێمی کوردستانیش لە بەرانبەر بڕیاری وەزارەتی دارایی عێراق بۆ خەرجنەکردنی ماف و شایستە داراییەکانی هەرێمی کوردستان ڕادەگەینرێت. 

نعم انسحاب الكورد من العملية السياسية ليس حدثًا عابرًا،بل زلزال قد يعصف باستقرار العراق
الكورد كانوا شركاء اساسيين في إسقاط صدام،وفي فتح الأبواب الدولية للمعارضة
انسحابهم لن يكون مجرد غياب مكون، بل انهيار جزء من الشرعية الوطنية، ومن الصعب ان يتحمل العراق تبعاته.
الحوار لا بديل له https://t.co/CH2XF0lhiF

— مشعان الجبوري (@mashanaljabouri) May 30, 2025