مەسرور بارزانی: نزاکارین لە خوای گەورە ساڵی نوێی کۆچی، ساڵی ئاشتی و کۆتاییهاتنی شەڕ بێت

سەرۆکی حکوومەتی هەرێمی کوردستان ساڵی نوێی کۆچی لە هەموو موسڵمانان پیرۆز دەکات و دەڵێت: نزاکارین لە خوای گەورە ساڵی نوێی کۆچی، ساڵی ئاشتی و کۆتاییهاتنی شەڕ بێت.

پێنجشەممە، 26-06-2025، مەسرور بارزانی، سەرۆکی حکوومەتی هەرێمی کوردستان پەیامێکی بە بۆنەی ساڵی نوێی کۆچی بڵاو کردەوە.

سەرۆکی حکوومەتی هەرێمی کوردستان دەڵێت: " به‌ بۆنه‌ی هاتنی سه‌ری ساڵی نوێی كۆچی (1447)، گەرمترین پیرۆزبایی ئاراستەی‌ موسڵمانانی كوردستان و عێراق و جیهان ده‌كه‌م."

سەرۆک وەزیران مەسرور بارزانی ئاماژەی بەوەش کردووە "نزاکارین لە خوای گەورە و میهرەبان، ساڵی نوێی کۆچی، ساڵی ئاشتی و ئارامی و کۆتاییهاتنی شەڕ و وێرانکاری و بێدادی و ستەمکاری بێت."

دەقی پەیامەکەی سەرۆکی حکوومەتی هەرێمی کوردستان:

 به‌ بۆنه‌ی هاتنی سه‌ری ساڵی نوێی كۆچی 1447، گەرمترین پیرۆزبایی ئاراستەی‌ موسڵمانانی كوردستان و عێراق و جیهان ده‌كه‌م.

نزاکارین لە خوای گەورە و میهرەبان، ساڵی نوێی کۆچی، ساڵی ئاشتی و ئارامی و کۆتاییهاتنی شەڕ و وێرانکاری و بێدادی و ستەمکاری بێت.

ساڵی نوێی کۆچی لە موسڵمانان پیرۆز بێت و هەر لە شادی و بەختەوەریدا بن.

مەسرور بارزانی

سەرۆکی حکوومەتی هەرێمی کوردستان

2025/6/26