لۆرینا بووە پاڵەوان تۆر دێ فرانس

لۆرێنا وێبێس خانمە بایسکلسواری هۆڵەندی، بووە پاڵەوانی قۆناغی سێیەمی پێشبڕکێی بایسکلسواری تۆر دێ فرانسی خانمان.
لە بەردەوامی پێشبڕکێی تۆر دێ فرانس و لەسەر ئاستی خانمان، لۆرێنا وێبێس خانمە بایسکلسواری هۆڵەندی لە تیپی ئێس دی وۆرکس توانی پێش رکابەرەکانی، بگاتە هێڵی کۆتایی و ببێتە پاڵەوانی قۆناغی سێیەمی پێشبڕکێیەکە. 
لۆرینای تەمەن 26 ساڵ لە کۆتاییەکانی پێشبڕکێیەکە توانی، پێش ماریان ڤۆسی هاونیشتیمانی کە خاوەنی درێسی زەردە بکەوێت و پلەی یەکەم بەدەست بهێنێت.
درێژی قۆناغی سێیەمی تۆر دێ فرانسی خانمان 163.5 بوو، لۆرینا لە ماوەی 3 کاتژمێر و 41 خولەک و چل و حەوت لە سەدی چرکە، توانی پێش هەمووان بگاتە هێڵی کۆتایی، لە بەرامبەردا ماریا ڤۆس پلەی دووەمی بەدەستهێنا و لە پێشەنگی گشتی ریزبەندی پێشبڕکێیەکە مایەوە.
لۆرینا پێشتر لە پاڵەوانێتییەكانی پێشبڕكێی چامپیۆنزلیگی بایسكیلسواری ئەورووپا لە ساڵانی 2022 و 2024 مێدالیای زێری بردووەتەوە، هەروەها لە پێشبڕكێی گەورەی سان ریمۆ لە شاری میلانۆی ئیتاڵیا پلەی یەكەمی پێشبڕكێیەكەی بەدەستهێنا.