عێراق زیاتر لە 87 ترلیۆن دینار قەرزی ناوخۆیی لەسەرە

قەرزە ناوخۆییەکانی عێراق لە بەرزبوونەوە بەردەوامن، ئەوەش بەهۆی ئەو کێشە داراییەی عێراق هەیەتی لە زیادبوونی بەردەوامی خەرجییەکان و سنوورداربوونی داهاتەکانی. هاوکات بەپێی داتاکانی بانکی ناوەندیی عێراق؛ قەبارەی قەرزە گشتییە ناوخۆییەکانی عێراق لە مانگی حوزەیراندا گەیشتووەتە 87 ترلیۆن و 748 ملیار دینار. ئەمەش بەگوێرەی داتاکان لە ماوەی مانگێکدا قەرزە ناوخۆییەکانی عێراق بە ڕێژەی 2.56% بەرزبوونەتەوە.