ستیفان دوژاریک: پێویستە کێشەکانی نێوان حکوومەتی هەرێم و عێراق بە دیالۆگ چارەسەر بکرێن
گوتەبێژی سکرتێری گشتیی نەتەوە یەکگرتووەکان تایبەت بۆ کوردستان 24 قسەی کردووە و دەڵێت، دەمانەوێت دڵنیابینەوە تەواوی کێشەکانی نێوان حکوومەتی فیدڕاڵی عێراق و حکوومەتی هەرێمی کوردستان بە دیالۆگ چارەسەر بکرێن.
ستیفان دوژاریک، گوتەبێژی سکرتێری گشتیی نەتەوە یەکگرتووەکان، تایبەت بە کوردستان24ـی ڕاگەیاند: سکرتێری گشتیی ئاگاداری پرسی کوردە و کاتێک کۆمسیاری باڵای پەنابەران بوو کاری لەسەر ئەم پرسە کردووە، بەردەوام قسە لەسەر پرسی کورد دەکەین، زۆر بەهێز و راشکاوبووینە لەبارەی پێویستیی لەخۆگرتنی هەموو سوورییەکان لە حکوومەتی سووریا دا بەبێ جیاوازیی ئایینی و نەتەوایەتی.
هەروەها ئاماژەی بەوە کردووە، لەبارەی هەموو ئەو کێشەکانەی لە نێوان حکوومەتی فیدڕاڵی عێراق و حکوومەتی هەرێمی کوردستان هەیە، دەمانەوێت دڵنیابینەوە لە رێگەی دیالۆگەوە چارەسەر دەکرێن.
