پێنج پرۆژەی کارەبا بە 181 ملیۆن دینار لە سلێمانی جێبەجێ دەکرێن
لەماوەی 50 رۆژدا
K24 - هەولێر
پێنج پڕۆژەی کارەبا لەسەر بودجەی داهاتی کارەبای بەڕێوەبەرایەتیی گشتی سلێمانی، بە بڕی زیاتر لە 181 ملیۆن دینار لە سلێمانی جێبەجێ دەکرێن.
وەزارەتی کارەبا ئەمڕۆ (یەکشەممە، 25-10-2020) لە راگەیەندراوێکدا ئاشکرای کرد، پڕۆژەکان بە بڕی 181 ملیۆن و 469 هەزار دینار لە سلێمانی لەماوەی 50 رۆژدا جێبەجێ دەکرێن.
جۆر و شوێنی پڕۆژەکان بەپێی راگەیەندراوەکە:
- دانانی محەویلەی 250 كەی ڤی بۆ كەنەكەوەی دەواجن نزیك ئاشە كۆنەكە/ وێستگەی نیشتمان فیدەری 281.
- دانانی محەویلەی موساعد 400 كەی ڤی ئەی بۆ محەویلەی/1 فیدەری 214/ وێستگەی سیناعی.
- دابینكردنی هێڵی كارەبا بۆ چەند ماڵێك لەبەردەم شاری سپی/وێستگەی باشوور.
- دانانی 3 محەویلەی 400 كەی ڤی ئەی بۆ گەڕەكی خاك لە فیدەری 110 راپەڕین/وێستگەی راپەڕین.
- دانانی 2 محەویلەی 400 كەی ڤی ئەی بۆ باوەگێڵدی لەسەر فیدەری 332 لە راپەڕین وێستگەی هەڵگورد فیدەری 332.