زیاتر لە 15 ملیار دینار وەک شایستەی گەنمی جووتیاران گەیشت
سبەی لە هەولێر دابەشدەکرێت
15 ملیار و 500 ملیۆن دینار، وەک شایستەی گەنمی جووتیاران بۆ ساڵی 2025، خرایە سەر هەژماری وەزارەتی بازرگانی و پیشەسازی هەرێمی کوردستان، هەروەها سبەی لە هەولێر دەست بە دابەشکردنی دەکرێت
وەزارەتی بازرگانی و پیشەسازی حکوومەتی هەرێمی کوردستان، ئەمڕۆ چوارشەممە، 15ـی تشرینی یەکەمی 2025، ڕایگەیاند: بڕی 15 ملیار و 500 ملیۆن دینار، وەک شایستەی گەنمی جوتیاران بۆ ساڵی 2025، خرایە سەر هەژماری وەزارەت و بەگوێرەی پارێزگاکان دابەش دەکرێت، بەمشێوەیە:
شەش ملیار دینار بۆ سلێمانی.
پێنج ملیار دینار بۆ هەولێر .
چوارملیار و 500 ملیۆن دینار بۆدهۆک.
وەزارەتی بازرگانی ئاماژەی بەوە کردووە، سبەی لە هەولێردەست بەدابەشکردن دەکرێت و هەفتەی داهاتوش لە سلێمانی و دهۆک دەست پێدەکات،
هەروەها بەپێی ڕۆژی ڕادەستکردنی گەنمەکانیان بۆ ئەو جووتیارانەی لە یەک تۆن تاوەکوو 50 تۆنیان لێ وەرگیراوە شایستەکان وەردەگرن، پاشان ئەوانەی بڕی زیاتریان پێشکەش کردووە وەریدەگرن.