بازنەكانی شاری كەركووك بۆ ھەڵبژاردن پەسندکرا

K24 – ھەولێر

لە كۆبوونەوەی دوێنێی ئەنجومەنی نوێنەرانی عێراق كە تا درەنگانی شەوی رابردوو بەردەوام بوو، بازنەكانی شاری كەركووك بۆ ھەڵبژاردن پەسندکرا.

پەیامنێری كوردستان24 راگەیاند، درەنگانی شەوی رابردوو لایەنە سیاسییەكان، لەسەر شێوازی بازنەکانی ھەڵبژاردن لە كەركووك رێككەوتن و ئەنجومەنی نوێنەرانیش پەسندی کرد.

 بەگوێرەی رێككەوتنەكەش، كەركووك بەسەر سێ بازنەی ھەڵبژاردندا دابەش دەكرێت، باکووری کەرکووک پێنج کورسی، ناوەند چوار و حەویجە و ریازیش سێ کورسی.

هاوکات، کۆبوونەوەی ئەنجومەنی نوێنەرانیش، بۆ کاتێکی نادیار هەڵگیرا.

بڕیارە مانگی حوزەیرانی 2021 ھەڵبژاردنی پەرلەمانی عێراق بەڕێوەبچێت.