فراکسیۆنی پارتی: کۆچی دوایی د. نەجمەدین هەموومانی خەمبار کرد

K24- هەولێر:

فراکسیۆنی پارتی لە پەرلەمانی کوردستان سەرەخۆشی لە بنەماڵەی د. نەجمەدین کەریم دەکات و رایدەگەیەنێت، هەواڵی کۆچی دوایی دکتۆر نەجمەدین کەریم، سیاسەتڤانی ناسراوی گەلی کوردستان، هەموومانی غەمبار کرد.

لە پەیامەکەی فراکسیۆنی پارتی هاتووە، بەم بۆنە غەمناکەوە، سەرەخۆشی لەکەسوکاری کۆچکردوو، خەڵکی کەرکووک و هەموو کوردستانییان دەکات.

دەقی پەیامەکە:

هەواڵی کۆچی دوایی دکتۆر نەجمەدین کەریم، سیاسەتڤانی ناسراوی گەلی کوردستان، هەموومانی غەمبار کرد. فراکسیۆنی پارتی بەم بۆنە غەمناکەوە، سەرەخۆشی لەکەسوکاری کۆچکردوو، خەڵکی کەرکووک و هەموو کوردستانییان دەکات.

نەجمەدین کەریم، سیاسەتمەدار و پێشمەرگەیەکی دێرینی شۆڕشی ئەیلوول بوو،مرۆڤێکی نیشتیمانی و کورد پەروەر بوو کە لە پرسە نەتەوەییەکان لەبەرەی گەلدا بووەو ڕۆڵی دیارە، لەو سەردەمەی کە وەک پارێزگاری کەرکووک کاریکردووە خزمەتێکی بەرچاوی بە هەموو پێکهاتەکانی شارەکە کردووەو ڕەنگڕێژی پێکەوە ژیان لەسەردەمیدا بەڕوونی دیاربووە..

کۆچی دوایی نەجمەدین کەریم خەسارەتێکی گەورەیە لە بزووتنەوەی رزگاریخوازی گەلی کوردستان.

خوای گەورە گیانی نەجمەدین کەریم بە بەهەشتی بەرینی خۆی شاد بکات
انا للە و انا الیه راجعون

فراکسیۆنی پارتی
لە پەرلەمانی کوردستان
31/10/2020