لەسەر فەرمانی سەرۆکی حکوومەت، شارەدێی ڕزگاری لە گەرمیان کرا بە شارۆچکە

ئەمڕۆ چوارشەممە، 22ـی تشرینی یەکەمی 2025، بە فەرمی شارەدێی ڕزگاری لە ئیدارەی سەربەخۆی گەرمیان، بووبە شارۆچکە (قەزا).

ئەم بڕیارە لەسەر فەرمانی مەسرور بارزانی، سەرۆکی حکوومەتی هەرێمی کوردستان دەرچووە.

بەگوێرەی نووسراوێکی فەرمیی ئەنجوومەنی وەزیران، بڕیارەکە پاڵپشتە بە فەرمانی هەرێمی ژمارە (397)ـی 23ـی ئەیلوولی 2025، و فەرمانی حکوومەتی هەرێمی کوردستان ژمارە (3811)ـی 12ـی تشرینی یەکەمی 2025.