نێچیرڤان بارزانی بۆ لەدەستدانی شاعیری ئاویەر پەیامێكی سەرەخۆشی بڵاوكردەوە

K24 - هەولێر:

نێچیرڤان بارزانی، سەرۆكی هەرێمی كوردستان، پرسەنامەیەكی بۆ كۆچی دوایی جەلال مەلەكشا، شاعیری ناوداری كورد بڵاوكردەوە.

نێچیرڤان بارزانی، لە پرسەنامەكەدا دەڵێت: "سەرەخۆشی لە بنەماڵە و دۆست و خۆشەویستان و شەیدایانی شیعرە بەرزەکانی دەکەم، هاوخەمی کۆڕی شاعیران و ئەدەبدۆستانم بۆ لەدەستدانی شاعیری ئاویەر".

دەقی پرسەنامەكە:

بە داخەوە هەواڵی کۆچی دواییی شاعیری ناوداری کورد جەلالی مەلەکشام بیست.

پرسە و سەرەخۆشی لە بنەماڵە و دۆست و خۆشەویستان و شەیدایانی شیعرە بەرزەکانی دەکەم، هاوخەمی کۆڕی شاعیران و ئەدەبدۆستانم بۆ لەدەستدانی شاعیری ئاویەر.

له‌ خوای مه‌زن داواکارم گیانی بخاته‌ به‌ر به‌زه‌یی و میهره‌بانیی خۆی و ئارامی و دڵنه‌وایی به‌ هه‌موو لایه‌ک ببه‌خشێت.

نێچیرڤان بارزانی

سه‌رۆکی هه‌رێمی کوردستان