بەوێنە... هەزاران هاووڵاتی لە چاوەڕوانیی تەرمی فرسەت سۆفیدان

K24 - هەولێر

تەرمی فرسەت سۆفی، پارێزگاری کۆچکردووی هەولێر دوای ئەوەی لە مەراسیمێکی شایستەدا لە فڕۆکەخانەی نێودەوڵەتیی هەولێر پێشوازی لێکرا، کەمێکی دیکە لە گۆڕستانی شێخ ئەحمەد لە هەولێر بەخاک دەسپێردرێت.

هەزاران کەس لە هاووڵاتییانی ئاسایی و بەرپرسانی هەموو لایەنەکان، ئێستا لە گۆڕستانی شێخ ئەحمەدن، کە یەکێکە لە گەورەترین گۆڕستانەکانی هەولێر و، چاوەڕوانن تەرمی فرسەت سۆفی بگات و بەشداری لە ناشتنی بکەن.

پارێزگاری هەولێر، تەنیا 30 رۆژ لەدوای تووشبوونی بە ڤایرۆسی کۆرۆنا، دوێنێ لە ئەنقەرەی پایتەختی تورکیا گیانی لەدەستدا.

ئەمڕۆ، نێچیرڤان بارزانی لە مەراسیمی ماڵئاوایی لە فرسەت سۆفی، رایگەیاند دکتۆر فرسەت دووەم جارە تووشی کۆرۆنا دەبێت، جاری یەکەم بە ئاسانی چاکبووەوە، بەڵام بەداخەوە جاری دووەم بەهۆیەوە گیانی لەدەستدا.

هـ.ر.