لە بەغدا دەستڕێژی گولـلە لە دوو چالاكوانی مەدەنی كرا
ژمارەیەک چەکداری نەناسراو تەقەیان لێكردون
K24 - ھەولێر
لە بەغدا دەستڕێژی گولـلە لە دوو چالاكوانی مەدەنی كرا و یەکێکییان برینداربوو.
سەرچاوەیەکی ئەمنی لە بەغدا رایگەیاند، ژمارەیەک چەکداری نەناسراو، لە ناوچەی تاڵبیە، لە رۆژهەڵاتی شارەکە، تەقەیان لە دوو چالاكوانی مەدەنی، بە ناوەکانی عومەر تائی و ئەكرەم عەزاب كرد و یەكێكییان بریندار بوو.
دوای سەرهەڵدانی خۆپیشاندانەکان لە ئۆکتۆبەری ساڵی رابردوو، دەیان چالاکوان لەلایەن چەکدارانی سەر بە میلیشیاکانەوە تیرۆر کراون یان رفێنراون.
