ناوەرۆکی لێکتێگەیشتنی مەزڵووم عەبدی و حکوومەتی دیمەشق
لێكتێگەیشتنی نوێ لە بارەی حەسكە و كۆبانێ و ناوچەكانی دیكە لەنێوان هەسەدە و حكوومەتی دیمەشق دروست بووە، ئەمریكا و فەرەنساش چاودێری دەكەن.
سەرچاوەیەك لەسووریا بە میدیاكانی وڵاتەكەی راگەیاندووە، كۆبوونەوەی مەزڵووم عەبدی، فەرماندەی گشتی هێزەکانی سووریای دیموکرات(هەسەدە) و حكوومەتی دیمەشق كۆتایی هاتووە، لەكۆبوونەوەكەدا، لێكتێگەیشتنی نوێ دروست بووە بۆ وەستانی شەڕ و و بڵاوەپێكردنی ئاسایشی ناوخۆ لە خەڵكی ناوچەكە لە حەسەكە و قامشلۆ و ناوچەكانی دیكە.
بەگوتەی سەرچاوەكان، رێكاری نوێ لەبارەی حەسەكە و كۆبانێ دەگیرێتە بەر و لەماوەیەكی نزیكدا رادەگەیەنرێت، لێكتێگەیشتن و رێككەوتنەكانیش بە چاودێری ئەمریكا و فەرەنسا دەبێت.
بەگوێرەی میدیا توركییەكانیش لەبارەی كۆبوونەوەكە رایانگەیاندووە، سوپای عەرەبی سووریا ناچێتە ناوچە كورد نیشنەكان لە باكوور و رۆژهەڵاتی سووریا، هاوكات خاڵەكانی رێككەوتنی 18ی كانوونی دووەم جێبەجێ دەكرێت.
ئێوارەی ئەمڕۆ شاندێكی هەسەدە بەسەرۆكایەتیی مەزڵووم عەبدی، فەرماندەی گشتیی هێزەکانی سووریای دیموکرات گەیشتە دیمەشق و لەگەڵ بەرپرسانی سووریا لەبارەی ئاگربەست و جێبەجێكردنی خاڵەكانی رێككەوتنەكان كۆبووەوە.