جۆو ویڵسن: هەرێمی کوردستان سیمبولی ئاشتی و سەقامگیرییە لە ناوچەکەدا
لە کۆبوونەوەی لیژنەی کاروباری دەرەوەی ئەنجوومەنی نوێنەرانی ئەمریکا، کۆنگرێسمانی ئەمریکی ستایشی سەرۆکوەزیران مەسرور بارزانی دەکات.
ئەمڕۆ سێشەممە، 10ـی شوباتی 2026، جۆو ویڵسن کۆنگرێسمانی ئەمریکی رایگەیاند: سوپاسی هەوڵەکانی مەسرور بارزانی سەرۆکی حکوومەتی هەرێمی کوردستان دەکەم و هەرێمی کوردستان سیمبولی ئاشتی و سەقامگیرییە لە ناوچەکەدا.
جەختی لەوەش کردەوە، پێویستە سەرکردەکانی هەسەدە کار لەگەڵ حکوومەتی سووریا بکەن، بۆ ئەوەی ئاگربەستی هەمیشەیی دروست بێت و هەروەها دەبێت هەماهەنگی لە نێوان تەواوی نەتەوە و پێکهاتەکانی سووریا هەبێت، هاوکات ئەمریکا نێوەندگیر و هەماهەنگ بووە بۆ چارەکردنی کێشەی نێوان دیمەشق و هەسەدە.
هاوکات بە نیگەرانییەوە ئەوەشی خستە روو، کورد، درووز و عەلەوەییەکان، رووبەڕووی ناسەقامگیریی بوونەتەوە لە سووریا.