ئافرەتانی دهۆک بوونە پاڵەوانی عێراق

لە یاری کۆتایی جامی عێراق لە پاڵەوانێتی تۆپی پێی بچوککراوە، هەردوو تیپی ئافرەتانی دهۆک و ئەلبەدیر رووبەڕووی یەکتری بوونەوە، لە کۆتاییدا ئافرەتانی دهۆک ناسناوەکەیان بەدەستهێنا.
لە پارێزگاری دهۆك یاریی كۆتایی جامی هێراق بۆ پاڵەوانێتی تۆپی پێی بچووكراوە بەڕێوەچوو كە تێیدا ئافرەتانی دهۆك و ئەلبەدیر بەرەنگاری یەكتر بوونەوە، یارییەکە لە کاتی یاسایی بەبێ گۆڵ کۆتایی هات، بۆیە هەردوو تیپ پەنایان بۆ لێدانە یەکلاکەرەوەکان برد و لە کۆتاییدا ئافرەتانی دهۆک بردنەوەیان بەدەستهێنا و بونە پاڵەوانی جامی عێراق.
ئافرەتانی دهۆک پاڵەوانی جامی تۆپی پێی بچوککراوەی عێراق، بڕیارە لە داهاتوو دهۆك لە پاڵەوانێتییەكی نێودەوڵەتی نوێنەرایەتی عێراق بكات.