وەزیری دەرەوەی ئەمەریکا سەرەخۆشی لە سەرۆکی حکوومەتی هەرێمی کوردستان دەکات

وەزیری دەرەوەی ئەمریکا لە پەیوەندییەکی تەلەفۆنیدا لەگەڵ مەسرور بارزانی، پشتیوانی ئەمریکای بۆ هەرێمی کوردستان و هێزی پێشمەرگەی دووپاتکردەوە.

ئێوارەی ئەمڕۆ پێنجشەممە 26ـی ئاداری 2026،  لە پەیوەندییەکی تەلەفۆنییدا ، مارکۆ روبیۆ، وەزیری دەرەوەی ئەمەریکا، پرسە و سەرەخۆشیی لە مەسرور بارزانی سەرۆکی حکوومەتی هەرێمی کوردستان کرد.
هەروەها ئاماژە بەوە کراوە، وەزیری دەرەوەی ئەمەریکا، پرسە و هاوخەمی خۆی بۆ شەهیدانی پێشمەرگە دەربڕی و پشتیوانی ئەمەریکاشی بۆ هەرێمی کوردستان و هێزی پێشمەرگە دووپات کردەوە.
لەلای خۆیەوە، سەرۆکی حکوومەت، سوپاس و پێزانینی خۆی بۆ پەیوەندیی و هاوخەمی وەزیری دەرەوەی ئەمریکا دەربڕی.
لە تەوەرێکی دیکەی گفتوگۆکاندا، پەیوەندییەکانی هەرێمی کوردستان و حکوومەتی فیدراڵ و ئاڵنگارییە ئابورییەکان تاوتوێ کران.

I spoke with Secretary @SecRubio. He expressed his condolences on the recent loss of six Peshmerga.

We reaffirmed our strong KRG–US relationship.

We also discussed relations between the Kurdistan Region and the Federal Government, and economic challenges.

— Masrour Barzani (@masrourbarzani) March 26, 2026