بارەگایەکی حەشدی شەعبی لە نەینەوا بۆردومان کرا
سەرچاوەیەکی ئەمنی بە میدیکانی ناوخۆی راگەیاندووە، یەکێک لە بارەگاکانی هێزەکانی حەشدی شەعبی لە دەشتی نەینەوا لەلایەن فڕۆکە جەنگییەکانەوە بۆردومان کرا.
سەرچاوەکە گوتیشی، "بارەگایەکی سەر بە لیوای 30ـی حەشدی شەعبی لە ناحیەی بەرتلە لەلایەن فڕۆکە جەنگییەکانەوە کراوەتە ئامانج."
ئاماژەی بەوەشدا، هێرشەکە هیچ زیانێکی گیانی لێ نەکەوتووەتەوە، گوتیشی، دوای ئەنجامدانی بۆردومانەکە، فڕۆکەیەکی جەنگی بۆ ماوەیەک لە ئاسمانی پارێزگای نەینەوا سوڕاوەتەوە.