لە پەیوەندییەکی تەلەفۆنیدا مەسرور بارزانی پیرۆزبایی لە عەلی زەیدی کرد
سیاسی

مەسرور بارزانی پیرۆزبایی پێکهێنانی حکوومەتی نوێی عێراق لە عەلی زەیدی دەکات

کوردستان مەسرور بارزانی حکوومەتی هەرێمی کوردستان حکوومەتی فیدراڵی عێراق

مەسرور بارزانی سەرۆکی حکوومەتی هەرێمی کوردستان پیرۆزبایی پێکهێنانی حکوومەتی نوێی عێراق لە عەلی زەیدی دەکات و هیواخوازە قۆناخی داهاتوو دەستپێکێکی نوێ بێت لە سەقامگیریی و ئاشتی لە عێراق و چارەسەربوونی گشت کێشەکانی عێراق و جێبەجێکردنی دەستوور.

سەرۆکی حکوومەتی هەرێمی کوردستان لە پەیامێکدا لە تۆڕی کۆمەڵایەتیی ئێکس نووسیویەتی: پیرۆزباییەکی گەرم لە بەڕێز عەلی فالح زەیدی سەرۆک وەزیرانی فیدراڵ و کابینەکەی دەکەم بە بۆنەی بە دەستهێنانی متمانەی ئەنجومەنی نوێنەرانی عێراق".

هەروەها نووسیویەتی "هیوادارم دەستپێکی قۆناخێکی نوێ بێت لە سەقامگیریی و ئاشتی لە عێراق و چارەسەربوونی گشت کێشەکانی عێراق و جێبەجێکردنی دەستوور و باشترکردنی پەیوەندیی نێوان هەرێمی کوردستان و حکوومەتی فیدراڵ".

 
 
 
 
 
 
 

ئێوارەی ئەمڕۆ پێنجشەممە 14ی ئایاری 2026، پەرلەمانی عێراق بە بەشداری 270 پەرلەمان کۆبوونەوەی ئاسایی بۆ متمانەدان بە کارنامەی وەزاری و پێکهاتەی حکوومەتی نوێی عێراق کۆبووەوە، بەڵام بەهۆی شەڕ و ئاڵۆزی نێوان بەشێک لە پەرلەمانتارانی شیعە و سوننە، بەهۆی دەنگدان لەسەر کاندیدانی وەزارەتەکانی ناوخۆ بۆ شیعە، پلاندانان و خوێندنی باڵا بۆ سوننە، دانیشتنەکەی پەرلەمان دوای متمانەدان بە کارنامەی حکوومەت و 14 وەزیر، کۆبوونەوەکەی کۆتایی پێهێنا.

ئێستا نۆ پۆستی وەزاری حکوومەتی نوێی عێراق ماوە بخرێنە دەنگدان.

 

 

کوردستان24 دیجیتاڵ میدیا ,