جێگری سەرۆکی پەرلەمانی عێراق، وێڕای پیرۆزبایی لە پەرلەمانتاران بە بۆنەی دەستپێکردنەوەی کۆبوونەوەکان و هەڵبژاردنی دەستەی سەرۆکایەتیی پەرلەمانی کوردستان، جەختی لە گرنگیی بەهێزکردنی هەماهەنگیی یاسادانان و چاودێری لەگەڵ پەرلەمانی فیدراڵدا کردەوە بۆ خزمەتکردنی بەرژەوەندییە باڵاکانی نیشتمان.

نێچیرڤان بارزانی، سەرۆکی هەرێمی کوردستان لە پەیامێکدا پێشوازی لە کاراکردنەوەی پەرلەمانی کوردستان دەکات و رایدەگەیەنێت، پەرلەمان دامەزراوەی باڵای نوێنەرایەتیی ئیرادەی تەواوی خەڵکی کوردستانە، هاوکات داوا لە سەرجەم لایەنەکان دەکات بە گیانی بەرپرسیاریەتیی نیشتمانییەوە ناکۆکییەکان لەوێدا یەکلا بکەنەوە.

فراکسیۆنی پارتی دیموکراتی کوردستان لە ئەنجوومەنی پارێزگای کەرکووک، پیرۆزبایی کاراکردنەوەی پەرلەمانی کوردستان و هەڵبژاردنی دەستەی نوێی سەرۆکایەتیی پەرلەمانی کرد و ئەو هەنگاوەی بە وەرچەرخانێکی چارەنووسساز بۆ بەهێزکردنی بنەماکانی دیموکراسی و سەروەریی یاسا لە قەڵەم دا.

سەرۆکی حکوومەتی هەرێمی کوردستان لە پەیامێکدا، وێڕای پیرۆزبایی لە دەستەی سەرۆکایەتیی هەڵبژێردراوی خولی شەشەمی پەرلەمانی کوردستان، کاراکردنەوەی پەرلەمانی بە سەرکەوتنی ئیرادەی خەڵک و پابەندبوون بە پرۆسەی دیموکراسی لە قەڵەم دا.

سەرۆک بارزانی لە پەیامێکدا بەبۆنەی کاراکرانەوەی پەرلەمانی کوردستان پیرۆزبایی لە گەلی کوردستان و دەستەی سەرۆکایەتیی پەرلەمان و هەموو لایەنە سیاسییەکان دەکات و دەڵێت: کاراکردنەوەی پەرلەمان هەنگاوێکە بە ئاراستەی پاراستن و بەهێزکردنی هەرێمی کوردستان و لە دژی هیچ کەس و لایەنێک نییە و بە دڵنیاییەوە لە خزمەتی بەرژەوەندییە باڵاکانی گەلی کوردستان و پڕۆسەی سیاسیدا دەبێت".

گوتەبێژى پارتى دیموکراتى کوردستان رایگەیاند, پەرلەمانى کوردستان بە ئامادەبوونى زۆرینەى پەرلەمانتاران، درێژەى بە کۆبوونەوەى یەکەمى خۆیدا و لە پرۆسەیەکى یاسایى و دیموکراتیدا دەستەى سەرۆکایەتى پەرلەمانى هەڵبژارد.

هاووڵاتییان کاراکردنەوەی پەرلەمان بەهەنگاوێکی گرنگ دەزانن.

هەردی سەڵاح دوای کاراکردنەوەی پەرلەمان بە کۆڤانی گوتووە، نەبوومەتە پارتی و لەسەر رەخنەگرتنیش بەردەوام دەبم.
 

پارێزەر ژینۆ محەمەد، سەرۆکی لیستی بەرەی گەل لە بازنەی هەولێر ڕایگەیاند، ئەوانەی ئەمڕۆ بەشدارییان لە دانیشتنی پەرلەماندا کردووە خۆفرۆش نین و هۆکاری ڕووداوەکان بۆ بەکارهێنانی میدیا و هێز دژی هاوسەنگەرە کۆنەکان دەگەڕێنێتەوە، جەختیشی کردەوە کە "چی بچێنیت ئەوە دەدووریتەوە".

فراکسیۆنی پارتی: پەرلەمان سەکۆی یەکگرتنی کوردستانە.