دۆناڵد ترەمپ رایگەیاند: ئێران دەیەوێت رێککەوتن بکات بەڵام نایەوێت ئەوە بڵێت.

رۆژنامەیەک باس لەوە دەکات، لە سەرەتای مانگی ئادارەوە رووسیا دەرمان و خۆراک بۆ ئێران رەوانە دەکات.

رۆژنامەی فاینانشەڵ تایمز لەسەر زاری چەند سەرچاوەیەکی هەواڵگریی رۆژئاوا ئاشکرایکرد، رووسیا قۆناغ بە قۆناغ درۆن و دەرمان و خۆراکی رەوانەی ئێران کردووە، تاوەکو تاران لە جەنگ بەردەوام بێت.

ئاماژەی بەوەشدا، ناردنی هاوکارییەکان بۆ ئێران لە سەرەتای مانگی ئادارەوە دەستیپێکردووە و تاوەکو کۆتایی ئەم مانگە بەردەوام دەبێت.

سەرۆکوەزیرانی هەرێمی کوردستان و نێردەی تایبەتی سەرۆکی ئەمریکا بۆ سووریا و باڵیۆزی ئەمەریکا لە تورکیا پەیوەندییەکی تەلەفۆنیان ئەنجام دا و تێیدا باڵیۆزی ئەمریکا بەهۆی هێرشەکەی ئەم دوایەی سەر هێزەکانی پێشمەرگە سەرەخۆشی لە سەرۆکوەزیران کردووە؛ هەروەها دوایین پێشهاتەکانی ناوچەکەیان تاوتوێ کردووە.

حکوومەتی هەرێمی کوردستان راگەیەندراوێکی بڵاو کردووەتەوە و تێیدا ئاماژەی داوە، ئێوارەی ئەمڕۆ چوارشەممە 25ـی ئاداری 2026، مەسرور بارزانی، سەرۆکی حکوومەتی هەرێمی کوردستان، پەیوەندییەکی تەلەفۆنی لە تۆم بەڕاک نێردەی تایبەتی دۆناڵد ترەمپ سەرۆکی ویلایەتە یەکگرتووەکانی ئەمریکا بۆ سووریا و باڵیۆزی ئەو وڵاتە لە تورکیا پێگەیشت.

میدیاکانی ئیسرائیل ئاشکرایان کرد کە حکوومەتی تەلئەڤیڤ خۆی بۆ ئەگەری راگەیاندنی ئاگربەست لە ئێران لەلایەن دۆناڵد ترەمپەوە ئامادە دەکات، کە پێشبینی دەکرێت تا رۆژی شەممەی داهاتوو رابگەیەنرێت. هاوکات، ناوەندە سیاسییەکان بە گومانەوە لە ئەنجامی گفتوگۆکان دەڕوانن.

چوارشەممە 25ـی ئاداری 2026، بەپێی راپۆرتێکی کەناڵی 12ـی ئیسرائیلی، بەرپرسانی تەلئەڤیڤ پێشبینی ئەوە دەکەن کە دۆناڵد ترەمپ، سەرۆکی ویلایەتە یەکگرتووەکانی ئەمریکا، تا رۆژی شەممەی داهاتوو کۆتاییهاتنی ئۆپەراسیۆنە سەربازییەکان و ئاگربەست لە ئێران رابگەیەنێت. ئەم ئامادەکارییەی ئیسرائیل لە کاتێکدایە کە واشنتن مۆڵەتێکی پێنج رۆژەی بۆ تاقیکردنەوەی دیپلۆماسی دیاری کردووە.

کەناڵی 12ـی ئیسرائیلی لە زاری سەرچاوەیەکی باوەڕپێکراوی ڕۆژئاواییەوە بڵاوی کردەوە، کە موجتەبا خامنەیی، ڕێبەری باڵای نوێی کۆماری ئیسلامی ئێران، هێشتا لە ژیاندا ماوە؛ جەختیش دەکاتەوە کە نەک تەنیا زیندووە، بەڵکوو بە شێوەیەکی کارا لە پڕۆسەی بڕیاردان و بەڕێوەبردنی تەنگژە سەربازی و سیاسییەکانی ئێستای ئێراندا بەشدارە.

فەرماندەیی ناوەندیی هێزەکانی ئەمریکا (سێنتکۆم) بە فەرمی ئەو هەواڵانەی رەت کردەوە کە باس لە خستنە خوارەوەی فڕۆکەیەکی جەنگیی جۆری (F/A-18) دەکەن. سێنتکۆم جەختی کردەوە کە هیچ فڕۆکەیەکی ئەمریکی لەلایەن سیستەمە بەرگرییەکانی ئێرانەوە نەکراوەتە ئامانج و ئەو دەنگۆیانەی سوپای پاسداران بڵاوی کردوونەتەوە دوورن لە راستی و تەنیا پڕوپاگەندەی جەنگین.

محەممەد باقر قالیباف، سەرۆکی پەرلەمانی ئێران، هۆشدارییەکی توندی ئاراستەی وڵاتێکی ناوچەکە کرد و رایگەیاند، هەر هەوڵێک بۆ هاوکاریکردنی دوژمنان لە داگیرکردنی خاک یان دوورگەکانی ئێران، رووبەڕووی هێرشی وێرانکەر بۆ سەر سەرجەم ژێرخانی وڵاتەکانیان دەبنەوە.

میدیاکانی ئیسرائیل ئاشکرایان کرد کە واشنتن و تەلئەڤیڤ پارێزبەندییەکی کاتییان داوەتە عەباس عێراقچی و محەممەد باقر قالیباف، تاوەکوو بەبێ مەترسیی تیرۆرکردن بەشداریی گفتوگۆکانی ڕاگرتنی جەنگ بکەن.

شەش وڵاتی عەرەبی لە راگەیەنراوێکی هاوبەشدا، سەرکۆنەی هێرش و دەستدرێژییەکانی ئێرانیان کرد، هەروەها داواشیان لە حکوومەتی عێراق کرد کە رێوشوێنی پێویست بۆ راگرتنی ئەو هێرشانە بگرێتە بەر کە لە خاکەکەیەوە ئاراستەی وڵاتانی دراوسێ دەکرێن.

کۆشکی سپی رایگەیاند کە دۆناڵد ترەمپ هیچ گاڵتەیەکی نییە و ئامادەیە قورسترین بۆردوومان لە مێژوودا ئەنجام بدات ئەگەر تاران مل بۆ ڕێککەوتن نەدات، سکرتێری ڕۆژنامەوانی کۆشکی سپی، جەختی کردەوە کە سەرەڕای بەردەوامیی دانوستانەکان بە سەرپەرشتی جەی دی ڤانس، بەڵام ئارامیی واشنتن سنووردارە و پێویستە تاران دان بە شکستی سەربازیی خۆیدا بنێت، ئەگەرنا رووبەڕووی دۆزەخێکی ناوخۆیی دەبێتەوە کە توانای بەرگریکردنی لێی نابێت.