کەناڵی (CBS)، بڵاوی کردەوە، پێشبینی دەکرێت رۆژی دووشەممە، گەڕێکی دیکەی دانوستان لە نێوان ئەمریکا و ئێران، لە ئیسلام ئاباد بەڕێوە بچێت.

سەرۆکی ئەمریکا، رایگەیاند ئێران لە دانوستانەکاندا رەزامەندی نیشان داوە لەسەر راگرتنی پشتگیریی دارایی و سەربازی بۆ گرووپە چەکدارەکان، بەتایبەت حزبوڵڵا و حەماس، و تەواوی کۆگای یۆرانیۆمە پیتێنراوەکەی رادەستی واشنتن دەکات.

فەرماندەیی ناوەندیی هێزەکانی ئەمریکا (سێنتکۆم) رایگەیاند، زیاتر لە 10 هەزار سەرباز لە هێزە دەریاییەکان، مارێنز و هێزی ئاسمانی ئەمریکا بەشدارن لە جێبەجێکردنی گەمارۆیەکی دەریایی توند دژی ئێران.

سەرۆکی ئەمریکا، لە زنجیرەیەک لێدوانی نوێدا بۆ ئاژانسە نێودەوڵەتییەکان، مژدەی نزیکبوونەوەی رێککەوتنێکی مێژوویی لەگەڵ ئێران راگەیاند و هاوکات هۆشدارییەکی توندی ئاراستەی ئیسرائیل کرد سەبارەت بە هێرشەکانی بۆ سەر لوبنان.

لە هێرشێکی مووشەکی و درۆنیدا بۆ سەر کەمپی نیشتەجێبوونی بنەماڵە ئاوارەکانی ڕۆژهەڵاتی کوردستان لە سنووری پارێزگای هەولێر، سێ ئەندامی حیزبی دیموکراتی کوردستان شەهید بوون و چەندین هاووڵاتی دیکەش کە لە نێویاندا مێرمنداڵ هەن، بریندار بوون.

سەرۆککۆماری ئێران جەختی لەوە کردەوە، کە وڵاتەکەی هۆکار نییە بۆ ناسەقامگیری و داوای لە لایەنە نێودەوڵەتییەکان کرد کە پابەندییە یاساییەکانی تاران بە هەند وەربگرن.

ئەمیر حاتەمی، فەرماندەی گشتیی سوپای ئێران، لە پەیامێکدا بەبۆنەی "رۆژی سوپا" رایگەیاند، هێزەکانی سوپا بە ورەیەکی پۆڵایین و "دەست لەسەر پەلاپیتکە" لە ئامادەباشیی تەواودان بۆ بەرەنگاربوونەوەی هەر جۆرە هەڕەشە و دەستدرێژییەکی دوژمنان.

بۆ یەكەمجار لە دوای دەستپێكردنی گەمارۆ دەریاییەكانی ئەمریكا بۆ سەر بەندەرەكانی كۆماری ئیسلامی، 3 تانكەری نەوتی ئێران كە 5 ملیۆن بەرمیل نەوتیان هەڵگرتبوو، گەرووی هورمزیان بڕی و بەرەو بازاڕەكانی جیهان بەڕێكەوتن. ئەم هەواڵە لە لایەن كۆمپانیای "كێپلەر" بۆ داتا دەریاییەكان پشتڕاستكراوەتەوە.

گۆڤارێکی ئەمریکی راپۆرتێکی لە بارەی سەپاندنی گەمارۆی دەریایی بەسەر بەندەرەکانی ئێران و گەرووی هورمز بڵاوکردووەتەوە و ئاماژەیداوە، بڕیارەکە ئەو رێڕەوە ئاوییەی کردووەتە مەیدانێکی دیکەی تاقیکردنەوە لە ململانێکاندا، سەرکەوتنەکەشی بەستراوەتەوە، هەر وڵاتێک و سەرکردەکانیان تا چەندە بەرگەی زیانی گیانی و گورزی ئابووری دەگرن، بەڵام کۆماری ئیسلامی ئێران هەموو کارێک دەکات، لە پێناو مانەوە.

حکوومەتی کۆریای باشوور رایگەیاند، بۆ یەکەمجار لە دوای داخستنی گەرووی هورمز، کەشتییەکی نەوتهەڵگری وڵاتەکەی لە دەریای سوور پەڕییەوە. ئەم هەنگاوەی سیئۆل وەک بەشێک لە گەڕان بەدوای رێگەی بەدیل بۆ دابینکردنی وزە دێت، پاش ئەوەی بەهۆی پەرەسەندنی شەڕ لە رۆژهەڵاتی ناوەڕاست، گەرووی هورمز بە کردەیی داخرایە رووی کەشتییەکان.