Şêx Hesen: Heger bê xwastin emê Cerablus û Minbicê jî rizgar bikin
Serokê Desteya Berevaniyê li Kantona Kobanê radigihîne, ku ti cudahî di navbera bajarên Kurd û Ereban de tune ye, ya girîng ew e, ku ji destê DAIŞê bêne kontrolkirin, heger bê xwastin jî ewê Cerablus û Minbicê jî rizgar bikin.
K24 – Kobanê
Serokê Desteya Berevaniyê li Kantona Kobanê radigihîne, ku ti cudahî di navbera bajarên Kurd û Ereban de tune ye, ya girîng ew e, ku ji destê DAIŞê bêne kontrolkirin, heger bê xwastin jî ewê Cerablus û Minbicê jî rizgar bikin.
Serokê Desteya Berevaniyê li Kantona Kobanê Îsmet Şêx Hesen ji K24ê re ragihand û got: “Wek çawa Girê Spî, Eyn Îsa, bendava Tişrînê û bajarên din, ti cudahî di navbera Kobanê û bajarên din yên Ereb de tune ye, heger kîjan bajar bê rizgarkirin, ci yê Kurdan be û çi yê Ereban be, em bi yek nêrînê lê dinêrên û dê di bin sîbera Hêza Sûriyeya Demokratîk de be.”
Şêx Hesen diyar kir jî, ku niha operesyona bakurê Reqayê dest pê kiriye. piştî rizgarkirina Reqayê jî, HSD û hêzên hevaheng ligel wê dê wê bajarî wek Girê Spî û Eyn Îsayê birêve bibe.
HSDê û bi piştevaniya Hevpeymaniya Navdewletî îro destpêkirina operesyona bakurê Reqayê ragihandin. Herwiha hat ragihandin jî ku şerê îro de 22 çekdarên DAIŞê li bakurê Reqayê de hatin kuştin.